真乄科技業的頂尖投資團隊

香港出口嚴冬持續，反映香港私人企業活動的滙豐香港採購經理指數（PMI），由8月時的47.8降至9月的45.9，是28個月以來最差，顯示私營企業活動明顯減少。香港工業總會副主席劉展灝坦言，情況令人擔憂。瑞信中小企證券研究部主管劉紹文更直言，見不到曙光。 

劉展灝說：「今次同08年由金融市場導致嘅金融海嘯唔同，因為嗰次未有動搖到實體經濟，同埋係一個可以睇到完結嘅周期，唔係好似今次咁，美國經濟又差，歐債搞咗9個月都無進展，中國自己又爆咗單溫州資金鏈斷裂應該仲未見到最差嘅情況！」

私企新接定單勁減
滙豐指出，9月份需求持續偏軟，令私營企業新接定單減少，跌幅更是29個月以來最大。該行指出，來自內地的新定單雖有增長，但仍不足以抵銷本地及海外市場對本港貨品與服務需求的下降。同月內地新業務增長率創一年新低，私營企業整體就業亦出現溫和減幅。
對本港出口繼續持悲觀態度的劉展灝表示，幸好香港廠家平日大多有「儲糧」，還可以支持一段時間。他說：「暫時都睇唔到香港廠家會出現結業潮，就算到出年農曆新年後，預料只會有個別廠商因看淡前景而關閉。」香港工業總會目前約有3000名會員。
今年4月時已「預警」出口企業定單出現放緩的劉紹文表示，今次情況真的很嚴峻，「上次金融海嘯出口定單由08年8月開始出事，各地政府喺10月出手救市，雖然有啲廠家定單試過喺一個月內大跌60%至70%，但成件事5個月就完結咗，今次係持續咁陰乾。」

廠家被要求暫緩付運
劉紹文說，由4月起，他已陸陸續續聽到不同領域的廠家定單「出事」，「唔係一次cut晒你啲單，一個月cut少少，一個月又差唔多，總之就無增長，但係喺一個成本大升嘅環境下，定單無增長好大鑊，隨時白做，所以再拖落去啲廠好傷。」
由於9月歐美零售表現欠佳，劉紹文指出，有廠家向他反映，有部份美國客戶要求暫時只付運定單列明的80%貨物，餘下20%要視乎聖誕節檔期表現再作決定。劉展灝則表示，若果客戶信譽及財力良好，廠家通常都會按要求暫緩付運，不算是一個異常的情況。

資料來源:http://tw.nextmedia.com/